تشوف اي قبل افلام مارفل الجاية
دليلك الشامل: إزاي تخلص "افلام مارفل كلها في 25 يوم وتستعد لـ Avengers Doomsday!
عايز تتفرج على فيلم Avengers: Doomsday ومش عارف تشوف إيه قبله؟ نفسك تتابع عالم Marvel وتايه مش عارف تبدأ منين؟ تعالَ وأنا هقولك الخلاصة!
بص يا سيدي، هنفرض إن عندك طاقة تشوف حوالي 3 أفلام في اليوم (أو 12 حلقة مسلسل)، كدة إنت هتقدر تهضم عالم مارفل كله في 25 يوم بالتمام والكمال. ويا بختك إنك لسه مشوفتش العظمة دي لحد دلوقتي..
🔴 الأسبوع الأول: التأسيس ومعركة نيويورك
اليوم 1: ابدأ بالأساس (Iron Man 1 & 2) ومعاهم (The Incredible Hulk). هنا هتعرف مين هو توني ستارك، وهالك (بس خلي بالك الممثل هيتغير بعد كدة).
اليوم 2: رحلة بالزمن مع (Captain America: The First Avenger) وبعدين (Thor)، وختامها أول ملحمة (The Avengers 2012).
اليوم 3: استكمال رحلة التلاتة الكبار (Iron Man 3, Thor: The Dark World, Captain America: The Winter Soldier).
اليوم 4: صدام الذكاء الاصطناعي (Age of Ultron)، وظهور (Ant-Man)، وأقوى خناقة في التاريخ (Civil War).
🔴 الأسبوع الثاني: الفضاء، السحر، والنهاية (أو البداية!)
اليوم 5: شوية فرفشة مع (Spider-Man: Homecoming) وجرعة مزيكا وضحك مع (Guardians of the Galaxy 1 & 2).
اليوم 6: رحلة لـ "واكاندا" مع (Black Panther)، ودخول عالم السحر مع (Doctor Strange)، وتطور "ثور" الرهيب في (Thor: Ragnarok).
اليوم 7: الصدمة الكبيرة (Avengers: Infinity War)، ومعاها (Ant-Man 2) و (Captain Marvel).
اليوم 8: اليوم العالمي للعياط والتشجيع مع (Avengers: Endgame)، وبعده علطول مسلسل (Loki) بموسميه عشان تفهم "المتعدد" (Multiverse) ماشي إزاي.
🔴 الأسبوع الثالث: حكايات "سبايدر مان" ودخول الجد
اليوم 9: نرجع لورا شوية ونشوف ثلاثية (Spider-Man) لـ "توبي ماجواير".. متعة خام!
اليوم 10: ثنائية (The Amazing Spider-Man) لـ "أندرو جارفيلد" ومعاهم (Far From Home).
اليوم 11: الملحمة اللي جمعت الكل (Spider-Man: No Way Home) ومسلسل (WandaVision) اللي هيبهرك.
💡 نصيحةمن اخوك : فكك من مسلسل Falcon & Winter Soldier، شوف ملخصه ع اليوتيوب ووفر وقتك.
اليوم 12: جنون (Doctor Strange 2) وفيلم (Black Widow).
💡 نصيحة من اخوك: فيلم Eternals ومسلسل Agatha شوفلهم ملخصات عشان الأجندات والملل.
🔴 الأسبوع الرابع: الأكشن الحقيقي والـ X-Men
اليوم 13: أكشن صيني بجد في (Shang-Chi) وأول موسم من الأسطورة (Daredevil).
اليوم 14: وداع تشالا في (Wakanda Forever) وموسم (Daredevil 2).
💡 نصيحة من اخوك: Thor: Love and Thunder؟ ملخص يوتيوب كفاية جداً عشان متكرهش الشخصية.
اليوم 15: (Ant-Man 3) ومسلسل (Punisher) اللي مفيش فيه هزار.
اليوم 16: وداع فريق الـ (Guardians 3)، وفيلم الرعب (Werewolf By Night)، وأعظم موسم في (Daredevil 3).
اليوم 17: (Captain America: Brave New World) وموسم (Punisher 2).
اليوم 18: (Hawkeye) وفيلم (Thunderbolts) اللي هو أحسن حاجة حصلت من فترة.
🔴 الأسبوع الخامس: الأساطير والختام
اليوم 19: (Fantastic Four 2025) ومسلسل (Moon Knight) بطعمه المصري الأصيل.
اليوم 20: ثلاثية (Blade) القديمة.. أكشن وقوة مش هتتكرر.
اليوم 21 لـ 23: رحلة الـ (X-Men) من البداية لحد النهاية الأسطورية لشخصية "وولفرين" في فيلم (Logan).
اليوم 24: الضحك والدموية مع ثلاثية (Deadpool)، وخصوصاً فيلمه مع (Wolverine).
اليوم 25: الختام بمسلسل (Daredevil: Born Again) وشوية فكاهة مع (What If).
اليوم 26 (إضافي): مسلسل (Wonder Man) لسه نازل جديد، خده تسالي!
بكدة إنت جاهز حرفياً تدخل فيلم Doomsday وإنت فاهم "دبة النملة" في عالم مارفل.
لو انت مهتم بعالم مارفل تابعني وممكن اعملكم مقال زي ده عن عالم DC
